საგარანტიო და მოხმარების წესები

ძვირფასო მომხმარებლებო, გაცნობებთ, რომ კომფორტერი აერთიანებს მსოფლიოს სხვადასხვა წერტილიდან მაღალი ხარისხის ავეჯის მწარმოებლების მიერ თქვენთვის შექმნილ პროდუქციას საქართველოში. ჩვენს შოურუმსა და ვებ. გვერდზე წარმოდგენილ პროდუქციაზე ვრცელდება „მომხმარებლის უფლებების დაცვის შესახებ“ საქართველოს კანონით გათვალისწინებული 2 წლიანი კანონისმიერი გარანტია, გარდა გამონაკლისებისა, შესაბამისად, იმ შემთხვევაში, თუ საგარანტიო ვადის განმავლობაში „კომპანიაში“ შეძენილ პროდუქციაზე (შემდგომში - „პროდუქცია“) გამოვლინდება ქარხნული წუნი, ყოველგვარი ანაზღაურების გარეშე სრულად აღმოიფხვრება იგი წინამდებარე პირობებით დადგენილი წესით.

ძირითადი დებულებები/რა უნდა იცოდეთ:

1. მომხმარებლებთან არსებული/სამომავლო ურთიერთობის პოლიტიკის მიზნებიდან გამომდინარე, ქარხნული წუნი ეწოდება „პროდუქციის“ საწარმოო დეფექტს/დაზიანებას, რომელიც დასტურდება „პროდუქციის“ მწარმოებლის მიერ.

1.1 „გამყიდველის“ საგარანტიო ვალდებულებები არ ვრცელდება „პროდუქციის“ ბუნებრივი ცვეთით, არასწორი ექსპლუატაციით ან მექანიკური დაზიანებით გამოწვეულ დეფექტებზე/დაზიანებაზე.

1.2 მნიშვნელოვანია, რომ პროდუქციის მიღების, აწყობის ან დამონტაჟებისთანავე მომხმარებელმა უნდა გადაამოწმოს მისი ვიზუალური მდგომარეობა და გამართულობა მიტანის სერვისის თანამშრომლების თანდასწრებით.

1.3 ნებისმიერი ტიპის გაუმართაობის ან დეფექტის (მათ შორის ვიზუალური) აღმოჩენის შემთხვევაში, მომხმარებელი ვალდებულია, დაუკავშირდეს კომპანიას, თუ ეს შესაძლებელია მიტანის სერვისის თანამშრომლების გაშვებამდე და დეტალურად აუხსნას არსებული პრობლემა ან/და დამატებით, შენიშვნის სახით უზრუნველყოს დაფიქსირება მიღება-ჩაბარების აქტში;

1.4 კომპანიაში არსებული პროდუქციის ფასი მოიცავს საქართველოს მასშტაბით ნივთის ტრანსპორტირების, მიწოდებისა და მონტაჟის ხარჯს სრულად, გარდა 1.4.1 პუნქტით გათვალისწინებული გარემოებისა.

1.4.1. ნივთის ღირებულება არ მოიცავს მისი მიწოდების სერვისის ხარჯს სრულად, თუ მიტანის სერვისის თანამშრომლებისთვის უზრუნველყოფილი არ იქნება ლიფტის, ელევატორის ან ამწე მექანიზმით მომსახურებით სარგებლობა; მე-3 სართულამდე ატანის (ფიზიკურად/ხელით) ხარჯი სრულად გათვალისწინებულია ნასყიდობის ფასში, მე-3 სართულს ზემოთ კი ატანის ღირებულება გამოიანგარიშება თითოეულ დამატებით სართულზე 10 ლარის ოდენობით.

2. საგარანტიო ვადის ათვლა იწყება „პროდუქციის“ „მყიდველისთვის“ მფლობელობაში გადაცემის მომენტიდან.

2.1 „მყიდველისათვის“ „პროდუქციის“ მფლობელობაში გადაცემის თარიღი „გამყიდველის“ წარმომადგენლის მიერ ფიქსირდება საგარანტიო დოკუმენტში, „პროდუქციის“ შეძენის ინვოისში,ზედნადებში, „კომპანიის“ მიერ გაცემული „პროდუქციის“ საფასურის გადახდის დამადასტურებელ დოკუმენტში ან მიღება-ჩაბარების აქტში.

2.2 გაყიდული საქონლის მომხმარებლისთვის გადაცემისას მასზე გადადის საქონლის შემთხვევით დაღუპვის ან გაფუჭების რისკი;

2.3 თუ ხელშეკრულებით გათვალისწინებულია საქონლის მომხმარებლისთვის გაგზავნა, იმ მომენტიდან, როდესაც მომხმარებელი ან მის მიერ უფლებამოსილი მესამე პირი (გარდა გადამზიდავისა) საქონელზე ფაქტობრივ მფლობელობას მოიპოვებს, საქონლის შემთხვევით დაღუპვის ან გაფუჭების რისკი გადადის მომხმარებელზე.

2.4 თითოეული პროდუქტი გამოყენებულ უნდა იქნეს იმ პირობების შესაბამისად, რაც გათვალისწინებულია მწარმოებლის მიერ ნივთზე მოწოდებულ/განსაზღვრულ ინსტრუქციაში.

3. მომხმარებლებთან წარმოებული ურთიერთობის პოლიტიკიდან გამომდინარე გაითვალისწინეთ, რომ კომპანიაში შეძენილი პროდუქციია უკან არ ბრუნდება.

4. გაითვალისწინეთ, ხელშეკრულების გაუქმების შემთხვევაში მომხმარებელს დაეკისრება პირგასამტეხლო შეძენილი ნივთის ღირებულების 10-დან 30%-მდე, პროცენტული გაანგარიშება დამოკიდებულია კომპანიის მიერ ხელშეკრულებით გათვალისწინებული ვალდებულებების შესრულების ვადებზე.

5. დისტანციური ხელშეკრულება − ხელშეკრულება, რომელიც დადებულია მოვაჭრესა და მომხმარებელს შორის მხოლოდ დისტანციური კომუნიკაციის ერთი ან რამდენიმე საშუალების გამოყენებით, დისტანციური ნასყიდობის ან მომსახურების მიწოდების ორგანიზებული სქემის მეშვეობით და არ მოითხოვს მომხმარებლისა და მოვაჭრის ფიზიკურ თანაყოფობას. ამასთანავე, ხელშეკრულება დისტანციურ ხელშეკრულებად არ მიიჩნევა, თუ მომხმარებელი და მოვაჭრე ხელშეკრულების პირობებზე სარეწში შეთანხმდნენ და ხელშეკრულება დისტანციურად მხოლოდ ამის შემდეგ დაიდო.

5.1 მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში. ეს ვადა აითვლება:

5.1.1 ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;

5.1.2 მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;

5.1.3 საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.

5.2 მომხმარებლის მიერ ხელშეკრულებაზე უარის თქმის შემთხვევაში მას არ დაეკისრება არანაირი ხარჯის (მათ შორის, მიწოდების ხარჯის) გაწევა, გარდა იმ შემთხვევისა, როდესაც მომხმარებელმა მოვაჭრის მიერ შეთავაზებული სტანდარტული მიწოდების მომსახურებაზე უფრო ძვირი მიწოდების მომსახურება აირჩია ან საქონლის ფასი შემცირდა ისეთი სარგებლობის შედეგად, რომელიც დაკავშირებული არ არის საქონლის ბუნების, მახასიათებლებისა და ფუნქციონირების დადგენასთან. საქონლის ფასის შემცირების შედეგად წარმოშობილი სხვაობის დაფარვის ვალდებულება მომხმარებელს არ დაეკისრება, თუ მოვაჭრემ მას ამ კანონით გათვალისწინებული ხელშეკრულებაზე უარის თქმის უფლების შესახებ სრული ინფორმაცია არ მიაწოდა.

5.3 მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.

5.4 მომხმარებელი ვალდებულია მოვაჭრეს ამ მუხლის პირველი პუნქტით დადგენილ ვადაში გაუგზავნოს შევსებული ფორმა ან სხვა ცალსახა მტკიცებულება, რომელიც ასახავს მომხმარებლის გადაწყვეტილებას საქონლის დაბრუნების შესახებ. ამ მუხლით გათვალისწინებული ხელშეკრულებაზე უარის თქმის უფლების დადგენილ ვადაში განხორციელების მტკიცების ტვირთი მომხმარებელს ეკისრება.

5.5 ხელშეკრულებაზე უარის თქმის შემთხვევაში მოვაჭრე ვალდებულია:

5.5.1 მომხმარებელს გადახდილი თანხა, აგრეთვე არსებობის შემთხვევაში − მიწოდების ხარჯის ასანაზღაურებლად გადახდილი თანხა დაუბრუნოს სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან არაუგვიანეს 14 კალენდარული დღისა. მოვაჭრე ვალდებული არ არის, მომხმარებელს დაუბრუნოს იმ დამატებითი ხარჯის ასანაზღაურებლად გადახდილი თანხა, რომელიც დაკავშირებულია მომხმარებლის მიერ არასტანდარტული ან მოვაჭრის მიერ შეთავაზებული მიწოდების მომსახურებაზე უფრო ძვირი მიწოდების მომსახურების არჩევასთან;

5.5.2 თანხა აანაზღაუროს გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს და მას დამატებითი ხარჯი არ წარმოეშობა.

5.6 ნასყიდობის ხელშეკრულებაზე უარის თქმის შემთხვევაში მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება.

5.7 ხელშეკრულებაზე უარის თქმის შემთხვევაში მომხმარებელი ვალდებულია:

5.7.1 მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება;

5.7.2 გასწიოს მხოლოდ საქონლის დაბრუნებასთან დაკავშირებული პირდაპირი (უშუალო) ხარჯი, გარდა იმ შემთხვევისა, როდესაც მოვაჭრემ თავად იკისრა ამ ხარჯის გაწევა ან მომხმარებელს არ მიაწოდა ინფორმაცია იმის შესახებ, რომ საქონლის დაბრუნების შემთხვევაში ეს ხარჯი წარმოიშობოდა. სარეწის გარეთ დადებული ხელშეკრულების შემთხვევაში, როდესაც საქონელი მომხმარებელს სახლში მიეწოდება, მოვაჭრე ვალდებულია საქონელი საკუთარი ხარჯით წაიღოს უკან, თუ, საქონლის ბუნებიდან გამომდინარე, მისი ფოსტით გაგზავნა შეუძლებელია

6. საგარანტიო ვალდებულებების შესრულების პირობები:

6.1. „პროდუქციით“ სარგებლობის/მოხმარების/გამოყენების დროს რაიმე სახის შეფერხების/დეფექტის/დაზიანების გამოვლენისთანავე „მყიდველი“ ვალდებულია დაუყოვნებლივ მიმართოს „კომპანიას“ მისი აღმოფხვრის მიზნით.

6.2. საგარანტიო ვალდებულებები „გამყიდველს“ წარმოეშვება მხოლოდ იმ შემთხვევაში, თუ „მყიდველი“ დაიცავს წინამდებარე საგარანტიო ვალდებულებებს და დაზიანებულ „პროდუქციას“ „გამყიდველს“ წარუდგენს პირადობის მაიდენტიფიცირებელ დოკუმენტსა და „პროდუქციის“ ღირებულების გადახდის დამადასტურებელ დოკუმენტთან ერთად.

6.2.1 „გამყიდველის“ საგარანტიო ვალდებულება გულისხმობს „პროდუქციის“ შეკეთებას ან შეცვლას/ჩანაცვლებას (შეკეთების შეუძლებლობის შემთხვევაში), მის მონტაჟთან/დემონტაჟთან დაკავშირებულ უფასო მომსახურებას 5.3 პუნქტზე მითითებით, ან „პროდუქციის“ ღირებულების „მყიდველისთვის“ დაბრუნებას (იმ შემთხვევაში, თუ „გამყიდველი“ ვერ უზრუნველყოფს „პროდუქციის“ შეკეთებას ან შეცვლას/ჩანაცვლებას).

6.3 მნიშვნელოვანია გაითვალისწინოთ, ვიდრე შეფასდება, - პროდუქციის მიმართ არსებული დაზიანება წარმოადგენს თუ არა ქარხნულ წუნს, მომხმარებლის მიერ სერვისის თანამშრომლების გამოძახების მომსახურებით სარგებლობის ღირებულებაა 100 ლარი; ხოლო ნივთზე დაზიანების ქარხნულ წუნად/დეფექტად შეფასების შემთხვევაში, ზიანის აღმოფხვრასთან ერთად, მყიდველს დაუბრუნდება გადახდილი 100 ლარი.

6.4 საგარანტიო პერიოდის განმავლობაში წუნდებული „პროდუქციის“ შეკეთების, შეცვლის/ჩანაცვლების ან თანხის დაბრუნების ვადა განისაზღვრება ყოველ კონკრეტულ შემთხვევაში, რაც წინასწარ ეცნობება „მყიდველს“.

6.5 იმ შემთხვევაში თუ დაზიანება არ შეფასდება, როგორც ქარხნული წუნი, და მომხმარებელი გამოთქვამს სურვილს, რომ აღმოიფხვრას ზარალი (თუ აღნიშნული შესაძლებელია), მომხმარებელი დამატებით გადაიხდის ზიანის გამოსწორების სერვისისათვის გაწეულ საფასურს, რომლის შესახებაც დეტალურად ეცნობება მას.

6.6 იმ შემთხვევაში, თუ „პროდუქცია“ საგარანტიო პერიოდში შეიცვლება ახლით, „პროდუქციის“ საგარანტიო ვადა დარჩება უცვლელი.

6.7 „პროდუქციის“ მიმართ არსებული ქარხნული წუნით (საგარანტიო პერიოდში) გამოწვეული პირდაპირი ან არაპირდაპირი ფინანსური დანახარჯები, რაც მიადგება „მყიდველს“, „გამყიდველის“ მიერ არ ანაზღაურდება.

6.8 იმ შემთხვევაში, თუ „კომპანია“ დაადგენს, რომ დაზიანებული „პროდუქცია“ არ ექვემდებარება აღდგენას/შეკეთებას და საჭიროა მისი შეცვლა/ჩანაცვლება, „გამყიდველის“ მიერ „პროდუქცია“ შეიცვლება/ჩანაცვლდება იმავე მწარმოებლის „პროდუქციით“ ან იმავე კლასის (მონაცემების/მახასიათებლების) მქონე სხვა მწარმოებლის „პროდუქციით“. თუ ახალი „პროდუქციის“ ღირებულება აღემატება „მყიდველის“ მიერ გადახდილ თანხას, მაშინ „მყიდველი“ ვალდებულია „გამყიდველს“ გადაუხადოს სხვაობა შესაბამისი ინვოისის/ინვოისების შესაბამისად.

6.9 იმ შემთხვევაში, თუ მხარეები ვერ შეძლებენ ურთიერთმოლაპარაკების გზით „პროდუქციის“ საგარანტიო პირობებთან დაკავშირებული დავის მოგვარებას, მხარეები მიმართავენ სსიპ -„ლევან სამხარაულის სახელობის სასამართლო ექსპერტიზის ეროვნულ ბიუროს“ „პროდუქციის“ დაზიანების გამომწვევი მიზეზის დასადგენად, რა დროსაც ექსპერტიზის ხარჯს იხდის „მყიდველი“. ექსპერტიზის დასკვნის შესაბამისად, თუ გამოვლინდა „პროდუქციის“ ქარხნული წუნი, „გამყიდველს“ წარმოეშვება ექსპერტიზის ხარჯის „მყიდველისთვის“ ანაზღაურების ვალდებულება წინამდებარე საგარანტიო პირობების შესაბამისად.

7. საგარანტიო ვალდებულებების შეუსრულებლობა:

7.1. „გამყიდველი“ თავისუფლდება საგარანტიო ვალდებულებებისგან შემდეგ შემთხვევებში:

7.2. თუ „პროდუქცია“ „მყიდველმა“ გამოიყენა არასწორი დანიშნულებით და ან მწარმოებლის მიერ ნივთზე განსაზღვრული ინსტრუქციის პირობების დარღვევით;

7.3. „პროდუქციაზე“ განთავსებულია შეუსაბამო აქსესუარი ან „მყიდველის“ მიერ გამოყენებულია სხვა დამატებით აღჭურვილობა/პროდუქტი;

7.4. თუ „პროდუქციის“ დაზიანება გამოწვეულია „მყიდველის“ განზრახი ან გაუფრთხილებელი მოპყრობით ანდა შეუსაბამო გამოყენებით, მათ შორის არასწორი ექსპლუატაციით, რაც არ შეიძლება ჩაითვალოს საწარმოო დეფექტად;

7.5. თუ „პროდუქციას“ აღენიშნება გარეგანი ვიზუალური დაზიანება, ან სხვა რაიმე ფორმის აშკარა ანდა ფარული მექანიკური ზემოქმედების შედეგი;

7.6. თუ „პროდუქციის“ მდგომარეობა არსებითად განსხვავდება ნივთის მიწოდების დღისთვის არსებული მდგომარეობისგან (მაგალითად თუ „პროდუქციას“ აღენიშნება ბზარები, ნაკაწრები, ჩამონატეხები და სხვა);

7.7. თუ „პროდუქციაზე“ მოხვედრილია სხვადასხვა სახის ნივთიერებები, სითხე ან უცხო სხეულები;

7.8. თუ „მყიდველმა“ თავისი ინიციატივით უზრუნველყო პროდუქციის გარემონტება/რესტავრაცია ან/და შეუცვალა იერსახე/ფორმა;

7.9. თუ „პროდუქციის“ დაზიანება ან/და გაუმართაობა გამოწვეულია არასწორი ტრანსპორტირების, გადაადგილების ან შენახვის შედეგად;

7.10. საგარანტიო პირობები არ გავრცელდება:

7.11. ისეთ დეტალ (ებ)ზე, რომელიც განიცდის ბუნებრივ ცვეთას;

7.12. აქსესუარ(ებ)ზე, რომელიც ექვემდებარება შეცვლას;

7.13. ტექნიკურ/სარესტავრაციო მომსახურებაზე (მაგ: გაწმენდა, გარეცხვა, დაბალანსება და ა.შ).

8. საგარანტიო შემთხვევაზე კომპანიის მიერ რეაგირების ვადები:

8.1. „გამყიდველი“ „პროდუქციის“ საგარანტიო შემთხვევაზე შესაბამის რეაგირებას ახორციელებს შემდეგი ვადების გათვალისწინებით:

8.2. ქ. თბილისში – გამოძახებიდან 5 (ხუთი) სამუშაო დღე;

8.3. აღმოსავლეთ საქართველოს ტერიტორიაზე – გამოძახებიდან არაუგვიანეს 7 (შვიდი) სამუშაო დღე;

8.4. დასავლეთ საქართველო – გამოძახებიდან არაუგვიანეს 14 (თოთხმეტი) სამუშაო დღე.

კომფორტერი გისურვებთ წარმატებებს !