ზაფხულის დასაწყისი ბევრისთვის ახალი გეგმებისა და დადებითი ცვლილებების დროა. სწორედ ამიტომ, ავეჯის მაღაზიათა ქსელმა, “კომფორტერმა” კიდევ ერთხელ გადაწყვიტა, თავის ერთგულ მომხმარებლებს ეს პერიოდი უფრო გაუხალისოს და ყოველწლიური ტრადიცია გააგრძელოს – ბრენდის კამპანია არამხოლოდ სახლის მყუდრო ავეჯით შევსებაში დაგეხმარებათ, არამედ დასამახსოვრებელ გამოცდილებასაც შეგძენთ.

“კომფორტერის” ზაფხულის აქცია უკვე ტრადიციად იქცა. პირველად, კამპანიის იდეა ექვსი წლის წინ გაჩნდა. სურვილი მარტივი იყო —  ზაფხული ადამიანებისთვის უფრო ხალისიანი და საინტერესო გაეხადათ, რამაც კომპანიას შიდა ტურიზმის მხარდაჭერისკენ უბიძგა. ამ ინიციატივამ მალე რეალური სახე მიიღო და წლების განმავლობაში მომხმარებელსა და კომპანიას შორის ერთგვარ ხიდად იქცა. პოზიტიურმა გამოხმაურებამ აჩვენა, რომ ბრენდმა მიზანს მიაღწია და ადამიანებს მისცა შესაძლებლობა, საქართველოს სხვადასხვა კუთხეში დაუვიწყარი დღეები გაეტარებინათ. 

წელს კამპანია კიდევ უფრო მასშტაბური ფორმით ბრუნდება! 3 ივნისიდან, “კომფორტერში” მისულ მომხმარებლებს განსაკუთრებული შეთავაზებები ელით: ავეჯის სრულ კოლექციაზე 20%-დან 60%-მდე ფასდაკლება, ხოლო ნებისმიერ შენაძენზე – დამატებითი საჩუქრები. ეს შეიძლება იყოს დამატებითი ფასდაკლება ან ტური საქართველოს ერთ-ერთ ლამაზ რეგიონში. კამპანიის ფარგლებში, „კომფორტერი“ 10-მდე ადგილობრივ სასტუმროსთან თანამშრომლობს, რაც ხელს უწყობს როგორც შიდა ტურიზმის გაძლიერებას, ისე, მცირე და საშუალო ბიზნესების წახალისებას, ეს სასტუმროებია: წინანდლის მამულის “რედისონ ქოლექშენი”, პარკ ჰოტელ წინანდალი, ნეკრესი ისთეით, ლოპოტა სპა რეზორტი და ველნეს კურორტი ბიოლი. 

ამ გზით, “კომფორტერი” არამხოლოდ მომხმარებელს აძლევს მოტივაციას განაახლოს სივრცე, არამედ ხელს უწყობს შიდა ტურიზმის განვითარებასაც, რაც ქვეყნისთვის მნიშვნელოვანი მიმართულებაა.

შეთავაზება კიდევ ერთხელ ადასტურებს, რომ მისი მთავარი მისია თითოეულ მომხმარებელთან სანდო ურთიერთობის დამყარებაა, რომელიც გულწრფელ ყურადღებასა და ზრუნვას ეყრდნობა. სწორედ ამიტომ, კამპანიაც დროის სვლასთან ერთად, “კომფორტერის” ერთგვარ სავიზიტო ბარათად იქცა, რომელსაც ყოველ ზაფხულს ველით.

კომპანიაც გეგმავს, ინიციატივა მომავალშიც გააგრძელოს: უფრო დიდი მასშტაბით, მეტი ჩართულობით და ახალი მიმართულებებით.

შექმენი შენი კომფორტი, განაახლე სახლი და აღმოაჩინე საქართველო