სიახლეები

სიახლეები

გაზიარება:
შეკვეთა
0
შეკვეთის ფორმა
სრული სახელი
ელ. ფოსტა
შერჩეული პროდუქტი
თქვენი შეტყობინება

_are_you_human_

შექმენი შენი ინტერიერის დიზაინი მარტივად!

06 აპრ 2021
ყოველი სივრცის ინტერიერი განსაკუთრებული და ინდივიდულურია, ყოველ ადამიანს აქვს საკუთარი გემოვნება, რომლის გათვალისწინებას, კომფორტის ზონის შექმნამდე მიყავს, შესაბამისად ინტერიერის შექმნის დროს, აუცილებლად უნდა გავითვალისწინოთ ის ყველა დეტალი, რაც მოგვწონს, ან რაც გვიქმნის კომფორტს.

1. განსაზღვრე შენი სტილი

რა გრძნობას გინდა, რომ შენი სივრცე იწვევდეს? აი, პატარა ტრიუკი, რომელიც ამის გარკვევაში დაგეხმარება: შეიხედე შენს კარადაში. როგორ ტანსაცმელს ანიჭებ უპირატესობას, მომდგარს და კლასიკურს თუ თავისუფალს და კომფორტულს?

ხომ არ ჭარბობს რაიმე კონკრეტული ფერი ან ფორმა? კიდევ ერთი გზაა ისეთი ზედსართავების ამორჩევა, რომლებიც სასურველ სტილს ყველაზე მეტად შეესაბამება. მაგალითად, როგორი გინდა, რომ იყოს შენი ოთახი: ტრადიციული, ელეგანტური და ფორმალური? თუ სახალისო, კომფორტული და თავისუფალი? ან იქნებ მონოქრომატული, სწორხაზოვანი და მოდერნისტული?

ეცადე გაიხსენო სასტუმრო, რესტორანი, ან თუნდაც ბარი, რომლის დიზაინმაც ყველაზე მეტად მოგხიბლა. რა დეტალი მოგეწონა ყველაზე მეტად? განაზოგადე ეს შთაბეჭდილება და გადმოიტანე იგივე ხასიათი შენს სახლშიც.

ეს ძალიან დაგეხმარება საბოლოო ჯამში იმის შექმნაში, რაც შენი საყვარელი ადგილი გახდება სამომავლოდ.





2.განსაზღვრე, რა არ მოგწონს


ადამიანებს ბევრად უმარტივდებათ იმის ჩამოყალიბება, თუ რა არ მოსწონთ, ვიდრე იმის, რა მოსწონთ. როცა კარგად გაერკვევი იმაში, თუ რა არ გიზიდავს, არჩევანის დიაპაზონიც შემცირდება და საქმეც გაგიმარტივდება.

ეს შეიძლება იყოს რაიმე ფერი, კონკრეტული ვიზუალური გაფორმება, ან თუნდაც კონკრეტული სტილის ავეჯი.




3.შეუთავსე ყველაფერი სივრცეს


ეს სიმეტრიულობის განცდას არღვევს და შედეგი არც თუ ისე სასიამოვნოა. შესაძლოა ცალკე აღებული პუფი ან მაგიდა ძალიან მოგწონდეს, მაგრამ ოთახში შეტანისთანავე დაკარგოს დადებითი ვიზუალური ეფექტი.

იფიქრე ბალანსზე. დიდ ოთახებში შეგიძლია სივრცე სხვადასხვა აქტივობებისთვის გადაანაწილო. მაგალითად, ცალკე კუთხე სტუმრებთან საურთიერთოდ, ცალკე – ტელევიზორისთვის, ცალკე – სამუშაოდ ან დასასვენებლად. მიუხედავად იმისა, რომ სიმეტრიის დაცვა კარგია, ეს აუცილებელი არ არის. მთავარია, ჰარმონიულობა არ დაირღვეს. 




4.შეამოწმე საღებავი


საღებავის შერჩევა ერთ-ერთი ყველაზე მნიშვნელოვანი ნაწილია ოთახის მოწყობისას. ოდნავ არასწორმა ფერმაც კი შეიძლება ყველაფერი გააფუჭოს. ამიტომ, გიბსონის და ჩვენი რჩევა იქნება, საღებავი პირდაპირ კედელზე ნახო.

წაუსვი კედლის მცირე ნაწილს რამდენიმე სავარაუდო ფერი და ასე ამოარჩიე ის, რომელიც ყველაზე მეტად მოგეწონება. დააკვირდი მათ როგორც დღის ბუნებრივ სინათლეზე, ისე ოთახის განათებაზეც. სხვადასხვა შუქი სხვადასხვა ვიზუალს იძლევა და ეს აუცილებლად უნდა გაითვალისწინო.




5.დაიწყე ქვემოდან ზემოთ


სახლის დიზაინი, როგორი სახალისოც არ უნდა ჩანდეს, მაინც საკმაოდ დამღლელი საქმეა. ადამიანებს სჭირდებათ იცოდნენ, საიდან უნდა დაიწყონ ეს პროცესი.

ნებისმიერი ოთახისთვის, სჯობს, რომ ქვემოდან ზემოთ დავიწყოთ: პირველ რიგში აარჩიე იატაკი და, სურვილის შემთხვევაში, ხალიჩა.

ასე დაწყება შემდეგ ეტაპებში დაგეხმარება და თავისით გიკარნახებს მიმართულებას.

თუ ნეიტრალურ ფერზე და სადა სტილზე შეჯერდები, ეს მეტ თავისუფლებას მოგცემს სახლის დანარჩენი ნაწილის გაფორმებისას.

სულ ბოლოს - უკეთესი იქნება, რომ სახლის დიზაინს დიდი დრო მოვანდომოთ და კარგად ავწონ-დავწონოთ ყოველი დეტალი:

„თუ კარგად ავარჩევთ ყველაფერს, ამ ნივთებმა და გადაწყვეტილებებმა შესაძლოა წლობით გაძლონ.“






 

გაზიარება:
უკან
ფოტო გალერეა