თურქეთი
საწოლის კარკასის პარამეტრები:
სიგრძე - 225 სმ / სიღრმე - 265 სმ / სიმაღლე - 87 სმ
საწოლის მატრასის პარამეტრები:
სიგრძე - 160 სმ / სიღრმე - 200 სმ
საწოლის ზედაპირის მასალა:
ნაჭერი
საწოლის ფეხების მასალა:
მდფ
ჩვენს შოურუმსა და ვებ-გვერდზე წარმოდგენილ პროდუქციაზე ვრცელდება „მომხმარებლის უფლებების დაცვის შესახებ“ საქართველოს კანონით გათვალისწინებული 2 წლიანი კანონისმიერი გარანტია, გარდა გამონაკლისი შემთხვევებისა. ქვემოთ მოცემულ ტექსტში, რომელიც წარმოადგენს ორიგინალი დოკუმენტის ადაპტირებულ ვერსიას, შეგიძლიათ გაეცნოთ თქვენთვის საჭირო ინფორმაციას.
ძირითადი დებულებები/რა უნდა იცოდეთ
ქარხნული წუნი ეწოდება პროდუქციის საწარმოო დეფექტს/დაზიანებას, რომელიც მწარმოებლის მიერ არის დაშვებული;
საგარანტიო ვალდებულებები არ ვრცელდება ბუნებრივი ცვეთით, არასწორი ექსპლუატაციით ან მექანიკური დაზიანებით გამოწვეულ დაზიანებაზე;
პროდუქციის მიღების დროს მომხმარებელმა, მიტანის სერვისის თანამშრომლების თანდასწრებით, უნდა გადაამოწმოს მისი ვიზუალური მდგომარეობა და მექანიზმების გამართულობა;
ნებისმიერი ტიპის დეფექტის აღმოჩენის შემთხვევაში, მომხმარებელი უნდა დაუკავშირდეს კომპანიას და დეტალურად აუხსნას არსებული პრობლემა;
შოურუმსა და ვებ-გვერდზე არსებული პროდუქციის ფასი მოიცავს საქართველოს მასშტაბით ნივთის ტრანსპორტირების, მიწოდების და მონტაჟის ხარჯს სრულად. გამონაკლისი: თუ მიტანის სერვისის თანამშრომლებისთვის უზრუნველყოფილი არ იქნება ლიფტით ან სხვა ამწე მექანიზმით
სარგებლობა, მე-3 სართულის ჩათვლით ატანის ხარჯი გათვალისწინებულია პროდუქტის ფასში, მე-3 სართულის ზემოთ კი თითოეულ სართულზე დაემატება 10 ლარი;
საგარანტიო პირობები
საგარანტიო ვადის ათვლა იწყება პროდუქციის მომხმარებლისთვის მფლობელობაში გადაცემის მომენტიდან;
გაყიდული საქონლის მომხმარებლისთვის გადაცემისას მასზე გადადის საქონლის შემთხვევით დაზიანების რისკი;
პროდუქციის მომხმარებლისთვის გაგზავნის შემთხვევაში პროდუქციის შემთხვევით დაზიანების ან გაფუჭების რისკი გადადის მომხმარებელზე;
თითოეული პროდუქტი გამოყენებულ უნდა იქნეს იმ პირობების შესაბამისად, რომელიც მწარმოებლის მიერ არის გათვალისწინებული ინსტრუქციაში;
კომფორტერში შეძენილი პროდუქციის უკან დაბრუნება შეუძლებელია;
ხელშეკრულების გაუქმების შემთხვევაში მომხმარებელს ეკისრება კომპენსაცია შეძენილი ნივთის ღირებულების 30%-მდე ოდენობით;
საგარანტიო ვალდებულებების შესრულების პირობები
პროდუქციის დეფექტის გამოვლენისთანავე, მომხმარებელი ვალდებულია დაუყოვნებლივ მოგვმართოს მისი აღმოფხვრის მიზნით.
კომფორტერს საგარანტიო ვალდებულებები ეკისრება მხოლოდ იმ შემთხვევაში, თუ მომხმარებელი იცავდა საგარანტიო ვალდებულებებს და პროდუქციას წარადგენს პირადობის დამადასტურებელ დოკუმენტსა და გადახდის ქვითართან ერთად.
კომფორტერის საგარანტიო ვალდებულება გულისხმობს პროდუქციის შეკეთებას/შეცვლას/ჩანაცვლებას და მონტაჟს/დემონტაჟს.
ვიდრე დადგინდება პროდუქციის მიმართ არსებული დაზიანება წარმოადგენს თუ არა ქარხნულ წუნს, მომხმარებელმა უნდა გადაიხადოს მომსახურების ღირებულება - 100 ლარი. ნივთზე დაზიანების ქარხნულ წუნად/დეფექტად შეფასების შემთხვევაში, ზიანის აღმოფხვრასთან ერთად, მყიდველს დაუბრუნდება გადახდილი 100 ლარი.
საგარანტიო პერიოდის განმავლობაში წუნდებული პროდუქციის შეკეთების/შეცვლის/ჩანაცვლების ან თანხის დაბრუნების ვადა ინდივიდუალურია და განისაზღვრება წინასწარ.
იმ შემთხვევაში თუ დაზიანება არ შეფასდება ქარხნულ წუნად და მომხმარებელს სურს, რომ აღმოიფხვრას ზარალი (თუ აღნიშნული შესაძლებელია), მან დამატებით უნდა გადაიხდის ზიანის გამოსწორების სერვისისათვის გაწეული საფასური, რომლის შესახებაც დეტალურად იქნება ინფორმირებული.
იმ შემთხვევაში, თუ პროდუქცია საგარანტიო პერიოდში შეიცვლება ახლით, პროდუქციის საგარანტიო ვადა დარჩება უცვლელი.
პროდუქციის მიმართ ქარხნული წუნით (საგარანტიო პერიოდში) გამოწვეული პირდაპირი ან არაპირდაპირი ფინანსური დანახარჯები, მომხმარებელს მიადგება, კომფორტერის მიერ არ ანაზღაურდება.
იმ შემთხვევაში, თუკი დადგინდება, რომ დაზიანებული პროდუქცია არ ექვემდებარება აღდგენას/შეკეთებას და საჭიროა მისი შეცვლა/ჩანაცვლება, ჩვენ მიერ პროდუქცია შეიცვლება/ჩანაცვლდება იმავე მწარმოებლის პროდუქციით ან იმავე მონაცემების მქონე სხვა მწარმოებლის პროდუქციით. თუ ახალი პროდუქციის ღირებულება აღემატება კლიენტის მიერ გადახდილ თანხას, მაშინ მომხმარებელი ვალდებულია გადაიხადოს სხვაობა.
იმ შემთხვევაში, თუ მხარეები ვერ შეძლებენ მოლაპარაკების გზით პროდუქციის საგარანტიო პირობებთან დაკავშირებული დავის მოგვარებას, მხარეები მიმართავენ სსიპ „ლევან სამხარაულის სახელობის სასამართლო ექსპერტიზის ეროვნულ ბიუროს“. ექსპერტიზის ხარჯს იხდის მომხმარებელი, მაგრამ პროდუქციის ქარხნული წუნის გამოვლენის შემთხვევაში კომფორტერი მომხმარებელს აუნაზღაურებს ექსპერტიზის ხარჯს.
საგარანტიო ვალდებულებების შეუსრულებლობის პირობები
კომფორტერი თავისუფლდება საგარანტიო ვალდებულებებისგან შემდეგ შემთხვევებში:
თუ პროდუქცია მომხმარებელმა გამოიყენა არასწორი დანიშნულებით ან მწარმოებლის მიერ ნივთზე განსაზღვრული ინსტრუქციის პირობების დარღვევით;
თუ პროდუქციაზე განთავსებულია შეუსაბამო აქსესუარი ან მომხმარებლის მიერ გამოყენებულია დამატებითი აღჭურვილობა;
თუ პროდუქციის დაზიანება გამოწვეულია მომხმარებლის განზრახული და გაუფრთხილებელი მოპყრობით ან შეუსაბამო გამოყენებით, მათ შორის არასწორი ექსპლუატაციით, რაც არ შეიძლება ჩაითვალოს საწარმოო დეფექტად;
თუ პროდუქციას აღენიშნება გარეგანი, აშკარა ან ფარული მექანიკური დაზიანება ზემოქმედების შედეგად;
თუ პროდუქციის მდგომარეობა არსებითად განსხვავდება ნივთის მიწოდების დღისთვის არსებული მდგომარეობისგან (მაგალითად პროდუქციას აღენიშნება: ბზარები, ნაკაწრები, ჩამონატეხები და სხვა);
თუ პროდუქციაზე მოხვედრილია სხვადასხვა სახის ნივთიერებები, სითხეები ან უცხო სხეულები;
თუ მომხმარებელმა თავისი ინიციატივით უზრუნველყო პროდუქციის გარემონტება/რესტავრაცია ან/და შეუცვალა იერსახე/ფორმა;
თუ პროდუქციის დაზიანება ან/და გაუმართაობა გამოწვეულია მომხმარებლის მიერ არასწორი ტრანსპორტირების, გადაადგილების ან შენახვის შედეგად;
საგარანტიო პირობები არ ვრცელდება ისეთ დეტალ(ებ)ზე, რომელიც განიცდის ბუნებრივ ცვეთას; აქსესუარ(ებ)ზე, რომელიც ექვემდებარება შეცვლას; ტექნიკურ/სარესტავრაციო მომსახურებაზე (მაგ: გაწმენდა, გარეცხვა და ა.შ).
საგარანტიო შემთხვევაზე კომპანიის მიერ რეაგირების ვადები
კომფორტერი შესაბამის რეაგირებას ახორციელებს შემდეგი ვადების გათვალისწინებით:
თბილისი – გამოძახებიდან 5 სამუშაო დღე;
აღმოსავლეთ საქართველო – გამოძახებიდან არაუგვიანეს 7 სამუშაო დღე;
დასავლეთ საქართველო – გამოძახებიდან არაუგვიანეს 14 სამუშაო დღე.
ავეჯის მოვლის ზოგადი ინსტრუქცია
არ განათავსოთ ავეჯი:
მზის პირდაპირ სხივებზე;
გამათბობელ მოწყობილობებთან ახლოს;
ნესტიან ადგილზე.
ავეჯი გადაადგილებისას ჯერ დააშორეთ იატაკს და შემდეგ შეუცვალეთ ადგილი.
ტრანსპორტირებისას და შენახვისას ავეჯი საიმედოდ უნდა იყოს დაცული:
ცხელი ნივთის დადებისგან;
ქიმიური ხსნარებისგან;
ნესტისგან, ჭუჭყისგან, ძლიერი დარტყმისგან;
მძიმე საგნებთან ზემოქმედებისგან და სიმაღლიდან ვარდნისგან.
ავეჯის მოვლის რეკომენდაციები
მტვრის მოსაშორებლად და ბზინვარების შესანარჩუნებლად, ქსოვილი რეგულარულად უნდა გაიწმინდოს ავეჯის მტვერსასრუტით ან რბილი ფუნჯით.
ახალი, ცხიმის ან სველი ლაქები შორდება შემდეგნაირად: დაადეთ კარგად დანამული პირსახოცი → დაამუშავეთ დაბინძურებული ადგილი ცოტაოდენი წყლით და თხევადი საპნით → მოიცადეთ 2-3 წუთი → წრიული მოძრაობებით მოაშორეთ ლაქა ღრუბლით ან რბილი ფუნჯით → გააშრეთ ნესტიანი ზედაპირი ფრთხილად, შესაბამისი მიმართულებით.
ბურთულიანი კალმით ან პომადით დალაქავებული ზედაპირის გაწმენდა შესაძლებელია 10%-იანი სპირტით. ნუ ეცდებით გამხმარი ლაქების გაფცქვნას ან გაფხეკას.
ტყავის ავეჯზე ნუ გამოიყენებთ:
ქიმიურ გამხსნელებს;
აბრაზიულ პასტებს/ფხვნილებს;
ტყავის ავეჯის გაწმენდის ინსტრუქცია:
გაწმინდეთ ავეჯი წრიული მოძრაობებით. ჭუჭყის მოსაშორებლად გამოიყენეთ წყლით დასველებული რბილი ფლანელის ქსოვილი. თუ დაბინძურება ძალიან ძლიერია, გამოიყენეთ ნეიტრალური საპნის რბილი ხსნარი.
ხახუნი და მკვეთრი მოძრაობები აზიანებს ტყავის ავეჯს. წელიწადში ორჯერ ტყავის ავეჯის ზედაპირი უნდა დამუშავდეს უშუალოდ ტყავის ავეჯისთვის განკუთვნილი სპეციალური პროდუქტით, რომლის შეძენაც შესაძლებელია სუპერმარკეტში.
მასიური ხის და ბუნებრივი საფარით დაფარული ზედაპირების მოვლა მიზანშეწონილია მშრალი, რბილი ქსოვილით. ასევე, შეგიძლია გამოიყენოთ მტვერსასრუტი, რომელიც აღჭურვილია რბილი ფუნჯით.
ავეჯის გამოყენების წესები და რეკომენდაციები
რეკომენდებულია, რომ ჰაერის ტემპერატურა ოთახში იყოს +10°C-დან +28°C-მდე ფარდობითი ტენიანობით 40-65%;
მაქსიმალური დატვირთვა სავარძელზე: 90 - 125კგ; რასტერულ მექანიზმებზე: 20 - 30კგ; საძილე ნაწილზე: 90 - 125კგ; თეთრეულის ყუთის ძირზე: 15 კგ;
არ გამოიყენოთ სავარძელი და საწოლი ხტუნვისა და სხვა ფიზიკური ვარჯიშებისთვის;
არ დადგეთ ფეხებით სავარძლის სახელურების და ზურგის რბილ ელემენტებზე;
არ შეიძლება ავეჯის ზედაპირზე წერტილოვანი დატვირთვა;
არ დააყენოთ სკამი ორ ფეხზე და არ გადაწიოთ ზურგი, ჯდომის დროს.
სააბაზანოს ავეჯის მოხმარების წესები:
მდფ/ლამინატმა შესაძლოა წყლის ზემოქმედებისგან დაკარგოს ფორმა. აუცილებელია, რომ წყლის მოხვედრის შემთხვევაში ავეჯი დაუყოვნებლივ გაიწმინდოს და შემცირდეს ტენიანობა;
უზრუნველყავით კარგი სავენტილაციო სისტემა სააბაზანოში, რათა შეამციროთ ტენიანობა და წყალი და თავიდან აირიდოთ ავეჯის დაზიანება.
მატრასების მოვლა:
სასურველია, რომ ყოველ 3-6 თვეში მატრასი გადაატრიალოთ, ეს დაგეხმარებათ მატრასისთვის სწორი ფორმის შენარჩუნებაში და მის ხანგრძლივად გამოყენებაში; მოერიდეთ მატრასზე ძლიერი წნევით ზემოქმედებას, ამან შეიძლება გამოიწვიოს მისი დეფორმაცია; მოერიდეთ მატრასზე ჭუჭყისა და სითხეების მოხვედრას და გამოიყენეთ დამცავი ფენები ლაქებისგან თავის ასარიდებლად; შეამოწმეთ, რომ მატრასი სწორად იდოს საწოლის ჩარჩოში, სწორი მიმართულებით. წინააღმდეგ შემთხვევაში, არასწორი დებისგან მატრასი 2-3 თვის ინტერვალში დაზიანდება.
ტრანსფორმირების მექანიზმის გამოყენების ინსტრუქცია
დარწმუნდით, რომ მექანიზმის დასაკეც ნაწილებში არ არის უცხო საგნები;
მექანიზმის მუშაობის დროს ჭრაჭუნის ხმის გამოცემა არ არის დეფექტი და ადვილად აღმოიფხვრება ნაწილების შეზეთვით;
დაუშვებელია მკვეთრი გადახრა, ან ძალის დატანებით გახსნა, რათა თავიდან აიცილოთ მექანიზმის კომპონენტების დეფორმაცია. მექანიზმი უნდა გაიხსნას ფრთხილად და თანმიმდევრობით;
ავეჯის ექსპლუატაციის დროს პერიოდულად უნდა გამაგრდეს კავშირები.
მომხმარებლის მხრიდან ნივთის ჩაბარების გადავადების პირობები
მომხმარებელს ნივთის ჩაბარების გადავადება შეუძლია ჩაბარებამდე არაუგვიანეს 24 საათით ადრე.
იმ შემთხვევაში, თუ მომხმარებელმა თანხმობა განაცხადა ნივთის მისამართზე ჩაბარებასთან დაკავშირებით, როდესაც ავეჯი უკვე კურიერს აქვს, მაგრამ ვეღარ მოახერხა მისი ჩაბარება, მისამართზე განმეორებით მიწოდების ღირებულება შეადგენს 200 ლარს.
მიტანის სერვისი თბილისში
ავეჯის თბილისში მიწოდების შემთხვევაში მომხმარებელს ვაფრთხილებთ წინა დღით;
700+ ლარის ნივთის მიწოდება ხდება უფასოდ, ყიდვიდან 3 სამუშაო დღის განმავლობაში (დასვენების დღე - ორშაბათი).
თუ ნივთის ღირებულება არ აღემატება 700 ლარს, მიწოდების საფასურია 50 ლარი და ხდება ყიდვიდან 3 სამუშაო დღის განმავლობაში (დასვენების დღე - ორშაბათი).
მიტანის სერვისი ქალაქგარეთ
ქალაქგარეთ მიწოდების შემთხვევაში მომხმარებელს ვაფრთხილებთ 2-3 დღით ადრე.
თბილისიდან 20კმ-ზე ნაკლები მანძილი:
ნივთის მიწოდება ხდება შეძენიდან 7 სამუშაო დღის განმავლობაში (დასვნების დღე - ორშაბათი) და ტრანსპორტირების ღირებულება შეადგენს კმ*2 ლარს.
თბილისიდან 20კმ-ზე მეტი მანძილი:
ნივთის ტრანსპორტირება ხდება შეძენიდან 30 სამუშაო დღის განმავლობაში (დასვნების დღე - ორშაბათი).
ქუთაისი, წყალტუბო, ფოთი, შეკვეთილი, ქობულეთი, ბათუმი, გონიო - ტრანსპორტირების ღირებულება შეადგენს 200 ლარს.
სხვა ლოკაციებზე ტრანსპორტირების ღირებულებაა კმ*2 ლარი.
ავეჯის მაღალ სართულზე ატანის პირობები
ნივთის ატანის საფასური ემატება მხოლოდ იმ შემთხვევაში, თუ ნივთი აიტანეს ხელით 3+ სართულზე
პატარა ზომის ნივთის ატანა 1 სართულზე - 10 ლარი
საშუალო ზომის ნივთის ატანა 1 სართულზე - 20 ლარი
დიდი ზომის ნივთის ატანა 1 სართულზე - 30 ლარი