გიყვებით 2024 წლის 7 მთავარ ტენდენციაზე:

1. მდგრადი მინიმალიზმი

მდგრადი მინიმალიზმი არის მიდგომა, რომელშიც მარტივი ესთეტიკა გარემოზე პასუხისმგებლობასთანაა შერწყმული. როგორც განვითარებადი ტენდენცია, ის ცდილობს, ეკოლოგიურ გადაწყვეტილებებზე დაყრდნობით, ელეგანტური და ფუნქციური სივრცეები შექმნას. ნარჩენების შემცირებასა და მდგრადი მასალების გამოყენებაზე ორიენტირებული ეს მიდგომა 2024 წელს პოპულარული არჩევანი იქნება.

2. უხილავი ტექნოლოგია 

ტექნოლოგიის მნიშვნელობა ინტერიერის დიზაინში უდავოა, თუმცა 2024 წლისთვის პრიორიტეტი უხილავი/ჩუმი ტექნოლოგია იქნება.

ეს ტენდენცია გულისხმობს, რომ ფუნქციურობას ესთეტიკის კომპრომისი არ სჭირდება, რადგან ტექნოლოგია ხდება ჩვენი უხილავი მოკავშირე ცხოვრების ხარისხის გასაუმჯობესებლად. რომ ეს არის საუკეთესო გზა თანამედროვე, კომფორტული და გემოვნებიანი სივრცის შესაქმნელად, სადაც ტექნოლოგიური მოწყობილობები და სისტემები გონივრულად და ეფექტურადაა ინტეგრირებული. 

• მოწყობილობები მოძრაობის სენსორებით;

• ჭკვიანი თერმოსტატები;

• ჩაშენებული ელექტროდანადგარები;

• უსადენო ტექნიკა;

• ხმით კონტროლირებადი განათების სისტემები;

• გონივრულად ჩაშენებული აუდიოსისტემები;

• დეკორში შენიღბული ტელევიზორები;

• სენსორული ზედაპირები;

• ჭკვიანი სარკეები. 

3. ტექსტურა და ბუნებრივი ელემენტები

ბუნებასთან კავშირი ინტერიერის დიზაინში 2024 წელსაც აქტუალური რჩება. ტექსტურებისა და ბუნებრივი ელემენტების გამოყენება კი ამ ტენდენციის პასუხი იქნება - შეიქმნას ჰარმონიული სივრცე კომფორტის, სიმშვიდისა და გონებრივი წონასწორობისთვის. 

ტექსტურები გადამწყვეტ როლს თამაშობს სენსორული გამოცდილების შექმნაში. სხვადასხვა ტექსტურის ფენა, კონტრასტული ქსოვილების გამოყენება…. ხე ერთ-ერთი ყველაზე ფართოდ გამოყენებული ელემენტია მისი მრავალფეროვნების, ესთეტიკურობისა და ავთენტურობის გამო.

4. Peach Fuzz - წლის ფერი 

2023 წლის ბოლოს, Pantone-მა 2024 წლის ფერი დაასახელა: Peach Fuzz - გარდამავალი ვარდისფერსა და ნარინჯისფერს შორის, რომელიც მისივე განმარტებით, სხვებთან სიახლოვისა და მიკუთვნებულობის სურვილს გამოხატავს და მყუდრო, მშვიდ და სასიამოვნო ატმოსფეროს ქმნის. „ატმის ფუზი“ შესანიშნავია კედლის მხატვრობისთვის, დეკორატიული ელემენტებისთვის, ავეჯისა თუ პრინტისთვის. 

 5. ჯაპანდი 

ჯაპანდი იაპონურ-სკანდინავიური სტილის ჰარმონიული სინთეზია. ინტერიერის გაფორმების ეს ტენდენცია გულისხმობს იაპონური მინიმალიზმისა და სკანდინავიური პრაქტიკულობის გაერთიანებას, რაც, საერთო ჯამში, ესთეტიკის სიმარტივით, სიმშვიდითა და ბუნებასთან კავშირით, ასევე ფუნქციურობითა და კომფორტით აიხსნება.  

ამ სტილის გამოსახვის საუკეთესო გზაა მინიმალისტური სივრცეები ავეჯით, ნეიტრალური ტონებითა და ბუნებრივი ელემენტებით, როგორიცაა მცენარეები და მდგრადი მასალები - მშვიდი ატმოსფეროს უზრუნველსაყოფად. 

6. თანამედროვე ეკლექტიზმი 

თანამედროვე ეკლექტიზმის ტენდენცია შესანიშნავი გადაწყვეტაა, თუ ერთ სივრცეში სხვადასხვა სტილის გაერთიანება გსურთ. ამ ტენდენციით შესაძლებელია ვინტაჟური ავეჯის შერწყმა თანამედროვე შტრიხებთან; ინტერიერის ხელნაკეთი ნივთებით გაფორმებითა და ნათელი / ნეიტრალური ტონების გამოყენებით.  

თანამედროვე ეკლექტიზმი შეიძლება, ხასიათდებოდეს სტილის, მასალების, ტექსტურების, ფერებისა და სხვადასხვა დეკორატიული ელემენტის ნაზავით, რომელიც ჰარმონიულ კომპოზიციას ქმნის.

თანამედროვე ეკლექტიზმში, მოსალოდნელია, იპოვოთ:

• სხვადასხვა სტილის, ეპოქისა და კულტურული გავლენის ნაზავი;

• მასალების მრავალფეროვნება ტექსტურებისა და კონტრასტების შესაქმნელად;

• სხვადასხვა ფერი;

• პერსონალიზაცია - უნიკალური ესთეტიკის შესაქმნელად.